Clicky

UpphafssÝ­a ═slendingabˇkar Frˇ­leikur um tilur­ ═slendingabˇkar
Um ŠttfrŠ­i ß ═slandi
Heimildir ═slendingabˇkar
Mannt÷l ß ═slandi
Um kirkjubŠkur
Nokkrir merkir ŠttfrŠ­ingar
Hvernig nota skal ═slendingabˇk
Nokkrar algengar spurningar
╔g hef glata­ lykilor­inu mÝnu
Skilmßlar um notkun
English Summary

═slensk erf­agreining  Fri­rik Sk˙lason ehf. 
© 1997 - 2017
═slensk erf­agreining ehf. og Fri­rik Sk˙lason ehf. Allur rÚttur ßskilinn.



HEIMILDIR


Við gerð Íslendingabókar hefur verið stuðst við margs konar heimildir, útgefin sem og óútgefin rit. Upplýsingarnar eru fyrst og fremst fengnar úr heimildum á borð við kirkjubækur, manntöl, þjóðskrá, íbúaskrár og önnur opinber gögn, en einnig úr fornritum, fornbréfasafni, annálum, alþingisbókum, dómabókum, bréfabókum, ættartöluhandritum, ábúendatölum, stéttatölum, niðjatölum og minningargreinum, svo fátt eitt sé nefnt.

Starfsmenn Íslendingabókar hafa aðgang að kirkjubókum og fjölmörgum manntölum á tölvutæku formi. Í ættfræðigrunninum Íslendingabók hefur einkum verið byggt á manntölunum 1703, 1801 og 1910 en önnur tölvutæk manntöl eru: 1729, 1785, 1816, 1835, 1845, 1860, 1870, 1880, 1890, 1901 og 1930.

Það sem hefur gert þetta verk mögulegt er hversu vel ættfræðigögn eins og manntöl, kirkjubækur og sóknarmannatöl hafa varðveist fram á okkar daga. Sem dæmi má nefna að gömul íslensk manntöl eru bæði nákvæmari og betur varðveitt en sambærileg gögn erlendis. Má leiða að því líkur að þar ráði nokkru mikill áhugi Íslendinga á ættfræði, frá landnámi allt fram til dagsins í dag.